बाल्टीमोर, मेरिल्याण्ड
सेप्टेम्वर २०
चर्चित चलचित्र पत्रकार तथा ‘रजतपट अंकल’को रुपमा चर्चित प्रकाश सुवेदीको सम्मानमा बाल्टिमोर र आसपासमा रहेका नेपाली कलाकारहरुले मंगलवार ‘कलाकारहरुसंग रजतपट अंकल भेटघाट तथा पिकनिक कार्यक्रम’को आयोजना गरेका छन् ।
मेरिल्याण्ड राज्यको बाल्टिमोर शहर र भर्जिनिया आसपास रहेका नेपाली कलाकारहरुले ‘रजतपट अंकल’को सम्मानमा आयोजना गरेको पिकनिक कार्यक्रममा सबै कलाकर्मीहरु भेला भएका थिए ।
आफ्नो सम्मानमा गरिएको पिकनिक एवं भेटघाट कार्यक्रममा पुराना एवं संगै सिने क्षेत्रमा संघर्ष गरेका साथीभाई भेट्दा निकै भावुक भएको पत्रकार सुवेदीले बताए ।
‘बास्तवमा बाल्टिमोरमा रहदा नेपालमा छु भन्ने अनुभूति भयो, धेरै साथीभाईसंग विगतमा गरेका संघर्षकालीन दिनहरुको याद आयो, सुवेदीले भने, म सबैप्रति ज्यादै आभारी छु’ ।
बाल्टीमोर को रक्की प्वाइन्ट बिचएसेक्समा आयोजित उक्त ‘पिकनिक एवं मिट एण्ड ग्रीट कार्यक्रम’ निर्देशक शन्कर घिमिरेको सम्योजकत्व मा सङीतकार लक्षण पौडेल , निर्देशक गोपाल चन्द्र लामिछाने ,अभिनेता राहुल के सि, र कलाकार प्रबेश उप्रेतीको ब्यवस्थापनमा सम्पन्न भएको थियो ।
कार्यक्रममा अभिनेता दिलिप रायमाझी, अभिनेता राज बल्लभ कोइराला , अभिनेत्रीहरु रिचा घिमिरे, उषा पौडेल , अरुणिमा लम्साल , निर्देशक बाबुराम ढकाल , कलाकार राधा लम्साल भाबु , गायक भगवान भण्डारी , नृत्य निर्देशक शिव बि क , मोडल मनिश शर्मा , निर्माता तथा कलाकार धुव वन्त एवं अनुसुया श्रेष्ठ वन्त, निर्देशक दिनेश कार्की , गायक तथा सङीतकार कनैह्या सिह , गायिका अन्जना गुरुङ , अर्कि गायिका आभा मुकारुङ राई नाइफ का अध्यक्ष पुर्ण सिह बराइली का साथमा नव नायिका ,अभिनेता दिलिप रायमाझी कि छोरी दिब्या रायमाझी , लगायतका थुप्रै कलाकर्मी हरु सहभागी भएका थिए । कार्यक्रममा गायक तथा सन्चारकर्मी रामप्रसाद खनाल, अभिनेता रमेश उप्रेती र चरित्र अभिनेता अनुराग मान सिह कुवर पनि कार्यक्रममा सहभागी भएका थिए ।
पत्रकार सुवेदी ‘रजतपट विश्व यात्रा’को क्रममा गत अगष्ट महनामा अमेरिका आइपुगेका हुन् । उनको सम्मानमा अमेरिकाका विभिन्न राज्यहरुमा रहेका नेपालीहरुले ‘मिट एण्ड ग्रीट’ कार्यक्रम गर्दै आएका छन् । अमेरिका बसाईको अन्तिम कार्यक्रम क्यालिफोर्नियाको स्यानहोजेको एभरेष्ट कुजिनमा क्टोवर १६ तारेख हुने युवा व्यावसायी प्रिन्स युवराज कार्कीले दुरवीनलाई जानकारी दिए ।
प्रतिक्रिया लेख्नुहोस्:-