स्यानफ्रासिस्को ।
नेवा अर्गनाइजेसन अफ अमेरिका नर्दन क्यालिफोर्नियाले २१ सेप्टेम्बर २०२४ मा सुन्दर बर्कली मरिनापार्कमा सफलतापूर्वक इन्द्रजात्रा २०२४ भव्य रूपमा सम्पन्न भयो ।अध्यक्ष मदन महर्जनको नेतृत्वमा भएको कार्यक्रममा ५०० भन्दा बढी समुदायका सदस्यहरू सांस्कृतिक उत्सवका लागि भेला भएको आयोजकले बताएका छन ।
पोटलक शैलीको भव्य जमघटले नेवारी समुदायको पाककला विविधतालाई प्रस्तुत गरेको थियो भने सदस्यहरूले स्वादिष्ट परिकारहरू बाँडेका थिए। सो कार्यक्रममा कुमारी पूजा: मिलि महर्जनले नेपालकी जीवित देवीको रूपमा volunteer गरेकी थिइन भने गणेश पूजा:आहान र शिवेन महर्जनले गरेका थिए ।
लाखे नृत्यमा सन्जिप र विकास महर्जनले आफ्नो ऊर्जाशील प्रस्तुतीले दर्शकहरूलाई मन्त्रमुग्ध पारेका थिए ।
कार्यक्रममा परम्परागत अनुष्ठानहरूको अतिरिक्त, कार्यक्रमको अलावा नेवारी गीत र नृत्य, जसले नेवार समुदायको समृद्ध सांस्कृतिक सम्पदालाई प्रस्तुत गरिएको थियो ‘ परम्परागत लोक नृत्यहरू, जसले समुदायका जीवन्त परम्पराहरूलाई झल्काए। कार्यक्रमको समापन परम्परागत नेवारी ‘समय बजि’ भोजबाट पाहुनाहरूलाई मौलिक स्वादले रमाइलो गराएको थियो ।
“हामी यस कार्यक्रममा पाएको व्यापक प्रतिक्रियाबाट दंग परेका छौं,” अध्यक्ष मदन महर्जनले भने। “यो कार्यक्रमले हाम्रो सांस्कृतिक सम्पदालाई मनाउने मात्र नभई समुदायबीचको सम्बन्धलाई अझ बलियो बनाउने काम गरेको छ। हाम्रो मुख्य उद्देश्य नेवारी संस्कृति र परम्परालाई भावी पुस्ताका लागि संरक्षण र प्रवर्द्धन गर्नु हो।”यस संस्थाको उद्देश्य बालबालिकालाई आफ्ना जरा बुझ्न र आफ्नो सांस्कृतिक पहिचानसँग जोडिनको लागि एउटा मञ्च प्रदान गर्नु हो। “हाम्रो बच्चाहरूले आफ्नो मूल थाहा पाउन र आफ्नो परम्परालाई माया गर्नु महत्त्वपूर्ण छ,” महर्जनले थपे।
नेवा अर्गनाइजेसन अफ अमेरिका नर्दन क्यालिफोर्नियाले इन्द्र जात्रा २०२४ लाई सफल बनाउन सहयोग गर्ने सदस्यहरू, स्वयंसेवकहरू र शुभेच्छुकहरूलाई आभार व्यक्त गरेको छ।
प्रतिक्रिया लेख्नुहोस्:-