शनिवार स्यानफ्रान्सिस्कोमा ‘अव नाच्छ बे एरिया’ कार्यक्रम हुदै

स्यानफ्रान्सिस्को
अमेरिका
दरवार इभेन्टस् र एबाबु प्रोडक्सनको प्रस्तुतीमा यही शनिवार सेप्टेम्वर २८ मा नेपालका ख्यातीप्राप्त कलाकारहरुको संयुक्त प्रस्तुती अव नाच्छ बे एरिया कार्यक्रम स्यानफ्रान्सिस्कोमा हुदैछ । स्याननफ्रान्सिस्कोको मिसन स्ट्रिटमा रहेको रोकोपुल्को क्लवमा हुने कार्यक्रममा बे एरिया धेरै नेपालीहरुको सहभागिता रहने र कार्यक्र भब्य हुने आयोजकहरुले बताएका छन् ।
हाल निकै चर्चित रहेकी गायिकाहरु शान्तिश्री, ज्योती मगर, रचना रिमाल र करिश्मा ढकालको संयुक्त प्रस्तुती रहने सो सांगितिक कार्यक्रमबाट दर्शकहरुले भरपूर मनोरन्जन र आनन्द लिने आयोजक पवन पौडेलले जानकारी दिए । ‘हाम्रो उदेश्य नै उपस्थित सबैलाई नचाउने र संगीतको आनन्द दिने हो’, -उनले भने । शनिवार हुने कार्यक्रमको लागि कलाकारहरु गत विहिवार नै स्यानफ्रान्सिस्को आइसकेका छन् ।
‘म कलाकार ज्योती मगरको नाच हेर्न र रचना रिमाल र शान्तिश्रीको गीत सुन्न उत्साहित भएको छु’-, बे एरियाका एक युवाले आफ्नो सामाजिक संजालमा पोष्ट गरेका छन् । झण्डै १२ सय भन्दा बढीको क्षमता रहेको सो क्लवमा सोही हाराहारीमा दर्शकहरुको आगमन हुने अपेक्षा आयोजकहरुले  गरेका छन् । कार्यक्रम बेलुकी ठीक ९ बजेवाट संचालन हुने आयोजकहरुले उल्लेख गरेका छन् ।
फ्लाई नेपालको आयोजनामा अमेरिकाका विभिन्न शहरहरुमा अव नाच्छ अमेरिका को प्रस्तुती दिइरहेको छ ।