जय नेपाल फाउनडेशनद्वारा दशैको शुभकामना आदान प्रदान कार्यक्रम आयोजना

अमेरिका। जय नेपाल फाउनडेशनले शनिवार दशैको शुभकामना आदान प्रदान कार्यक्रम आयोजना गरेको छ । दशैको शुभकामना प्रकट गर्दै बाढी पहिरोबाट भएको क्षतिमा दुख व्यक्त गर्दै सहयोगको लागि सबैले हातेमालो गर्नुपर्ने सुझाव प्राप्त भएको थियो। दशैको मुखमा बाढी पहिरोको कारण भएको क्षतिमा फाउनडेशनका सम्पूर्ण सदस्यहरूलाई आ-आफ्नो ठाउँमा सहयोग पुर्‍याउन अध्यक्ष डा यादव पण्डितले पहिले नै अनुरोध गरिसकेका छन् भने जय नेपाल फाउनडेशन ग्लोबल युथ नेटवर्कले के-कसरी सहयोग पुर्‍याउन सकिन्छ भनी आइतबार बैठक बोलाएको छ। नेपालीहरूले सिकेका ज्ञान र सीपमार्फत नेपाल र आफू रहेको स्थानमा समेत सकारात्मक कार्य गर्ने उद्देश्यले स्थापित यस संस्थाले विगतमा समेत ज्ञानमूलक तथा रचनात्मक कार्यहरू गर्दै आइरहेको छ। कार्यक्रममा फाउनडेशनका पदाधिकारीलगायत विभिन्न संघसंस्थाका पदाधिकारीहरूको उपस्थिति रहेको थियो।