काठमाडौं । बुधबार पनि शेयर बजार उच्च अंकले बढेको छ । आज शेयर परिसूचक (नेप्से) ४३ दशमलव २२ अंकले बढेर २७४२ दशमलव ८८ को विन्दुमा पुगेको छ ।
आज ३२० कम्पनीका ६५ हजार ८ सय ४५ पटकको कारोबारमा १ करोड ३२ लाख २४ हजार ३२२ कित्ता सेयर खरिद बिक्री भएको छ । जसमा कारोबार रकम ५ अर्ब ६६ करोड २ लाख ३७ हजार रुपैयाँ रहेको छ ।
२०६ कम्पनीको सेयर मूल्य बढ्दा ३५ वटाको घटेको छ भने ३ वटा स्थिर रहेको छ । बुधबार १३ वटै उपसमूहमा हरियाली छाउँदा नेपाल फाइनान्समा लगानीकर्ता झुम्मिएका छन् ।
प्रतिक्रिया लेख्नुहोस्:-