न्यूयोर्क । हालै स्यानफ्रान्सिकोमा सम्पन्न ग्रिनबिल्ड इन्टरनेशनल एक्पोमा नेपालवाट प्रतिनिधित्व गरेका सिन्धुपाल्चोक उद्योग वाणिज्य संघका अध्यक्ष एवं क्षमादेवी ग्रुपका अध्यक्ष होमबहादुर (राजकुमार) बस्नेतलाई न्यूयोर्कमा स्वागत र सम्मान गरिएको छ । न्यूयोर्कमा रहेको सिन्धु सोसाइटी अमेरिकाले अध्यक्ष बस्नेत, संघका सल्लाहकार रामबाबु श्रेष्ठ र सिन्धुवासी एवं वाल्टीमोरका व्यावसायी दिनेश भण्डारीलाई स्वागत गरेको हो । सो अवसरमा सोसाइटीको तर्फवाट अध्यक्ष बस्नेतलाई मायाको चिनो प्रदान गरिएको थियो ।
सो स्वागत समारोहमा वोल्दै अध्यक्ष बस्नेतले सिन्धुपाल्चोकवाट अमेरिका आउदा आफूलाई गाउंकै सम्मान मिलेको अनुभूति भएको बताए । अध्यक्ष बस्नेतले न्यूयोर्क जस्तो शहरमा पनि सिन्धुवासीहरु एक भएकोमा खुशी ब्यक्त गरे । अध्यक्ष बस्नेतले सोसाइटीको सम्मानवाट आफ्नो ब्यक्तिगत मात्र नभई समग्र सिन्धुपाल्चोक जिल्लाको भएको उल्लेख गरे ।
कार्यक्रममा सोसाइटीका अध्यक्ष सूर्य खड्काले उद्योग वाणिज्य संघका अध्यक्षलाई स्वागत गर्न पाएकोमा खुशी ब्यक्त गर्दै अध्यक्ष बस्नेतको अमेरिका भ्रमणको सफलताको कामना गरेका थिए ।
कार्यक्रममा सिन्धुपाल्चोक उद्योग वाणिज्य संका पूर्व सल्लाहकार शिव राउत, संघका सल्लाहकार रामबाबु श्रेष्ठ र सिन्धुवासी एवं वाल्टीमोरका व्यावसायी दिनेश भण्डारी लगायतकाले मन्तब्य राखेका थिए ।
यसअघि, संघका अध्यक्ष बस्नेत र सल्लाहकार श्रेष्ठको सम्मानमा स्यानफ्रान्सिस्को वरपर बसोवास गर्ने सिन्धुपाल्चोकका युवाहरुले स्वागत कार्यक्रमको आयोजना गरेका थिए । सो कार्यक्रममा सिन्धुपाल्चोकवाट आई बे एरियामा बसोवास गर्ने हिमालय फाउण्डेशनका अध्यक्ष यज्ञलाल श्रेष्ठ, सिन्धुपाल्चोक उद्योग वाणिज्य संघका सल्लाहकार रामवाबु श्रेष्ठ, वाल्टिमोरका ब्यावसायी एवं समाजसेवी दिनेश भण्डारी, कलाकार देवीराम पराजुली लगायकाले मन्तब्य राखेका थिए । अमेरिका भ्रमण सकेर अध्यक्ष बस्नेतको टोली आइतवार स्वदेश फर्केको छ ।
प्रतिक्रिया लेख्नुहोस्:-