उत्तम धमला
स्यानफ्रान्सिस्कोमा गत आइतवारवाट जारी नेपाली दुतावासको कन्सुलर सेवा शिविर एक दिन थप गरिएको छ । नोभेम्बर २७, २८ र २९ का लागी निर्धारित शिविर नोभेम्बर ३० बुधबारसम्म चल्नेछ। एसोसिएसन एफ नर्दन क्यालिफोर्निया र एन आर एन ए क्यालिफोर्निया च्याप्टरले स्थानिय रुपमा संयोजन गरेको शिविरमा नोभेम्बर १५ भन्दा पहिले दर्ता भएर नेपाली दुतावासले प्रमाणिकरण गरिसकेको सेवाग्राही बाहेक पनि निकै धेरै नेपालीहरुलाई सेवा आवश्यक परेकोले स्थानीय आयोजकको अनुरोधमा शिविर एक दिन थपिएको हो ।
नेपालीहरुलाई अत्यावश्यक पर्ने पासपोर्ट, एनआरएन कार्ड र वारेसनामा लयागतकागजात बनाउन सहयोगको लागि नेपाली दूतावासको नियोग प्रमूख कुमार खरेल नेतृत्वको टोली गत साता क्यालिफोर्निया आइपुगेको हो । नियोग प्रमुख खरेलले नेपालीहरुलाई सरल र सुलभ तरिकाले सहयोग गर्न दूतावास सदैव तत्पर रहेको बताएका छन् ।
“सेवाग्राहीहरुको अत्याधिक चाप रहेकोले फाराम प्रमाणित गरिसकेकाहरु बाहेक अन्यलाई निर्धारित तिन दिनमा सेवा दिन नसकेकाले हामीले नेपाली दूतावासलाई अर्को एकदिन थप्न गरेको अनुरोध स्विकार गरिदिनुभएकोले थप सेवाग्राहीहरुलाई सेवा दिन सकिएको हो”, न्यान्सका सचिव ईश्वरी न्यौपानेले बताए।
“हाम्रो उद्धेश्य धेरै भन्दा धेरै सेवाग्राहीहरुले सेवा लिन सकुन् भन्ने हो, समयको पावन्दीले गर्दा निर्धारित तिन दिनमा सेवा लिन छुटेकाहरुलाई पनि सेवा प्रदान गर्न एक दिन थपियो”, क्यालिफोर्नियाका लागी नेपाल सरकारका अवैतानिक महावाणिज्यदूत ऋषि ढकालले जानकारी दिए।
नोभेम्बर १५ अगाडी फाराम प्रमाणिकरण गर्न छुटेकाहरुले मा आफ्नो नाम, फोन नम्बर र ईमेल ठेगाना पठाएर अपोईन्टमेन्ट लिन सकिने जानकारी नोभेम्बर १५ अगाडी फाराम प्रमाणिकरण गर्न छुटेकाहरुले nancsecretary@gmail.com मा आफ्नो नाम, फोन नम्बर र ईमेल ठेगाना पठाएर अपोईन्टमेन्ट लिन सकिने जानकारी न्यान्सका अध्यक्ष प्रितेश कार्की र एन आर एन ए क्यालिफोर्निया च्याप्टरका उपाध्यक्ष प्रेम केसीले दिएका छन् । यसपटकको शिविरमा अघिल्ला बर्षहरुमा भन्दा धेरै नेपालीहरुले ब्यवस्थित रुपमा सेवा पाएको प्रतिकृया दिएका छन् ।
प्रतिक्रिया लेख्नुहोस्:-