अमेरिका ८ डिसेम्बर/
गैरआवासीय नेपाली सङ्घ (एनआरएन) एसिया प्यासेफिक क्षेत्रीयसम्मेलन शनिवार साँझ देखि हंगकंगमा सुरु भएको छ । एनआरएनका अध्यक्ष भवन भट्ट, पूर्व अध्यक्ष उपेन्द्र महतो, शेष घले लगायत सम्मेलनका लागि विश्वभरका नेतृत्व तहका एनआरएनहरू हङकङको सम्मेलनमा सहभागी भएका छन् । ‘समृद्ध नेपालका लागि लगानी र रोजगार, दायित्व सहित गैरआवासीय नेपालीलाई अधिकार’ स्लोगन दिएर गरिएको सम्मेलनमा वक्ताहरूले नेपालमा कसरी लगानी बढाउने र रोजगारका अवसर सृजना गर्ने भन्ने विषयमा भइरहेका कामको चर्चा गरेका छन्। डिसेम्बर ८ र ९ तारिख सम्म चल्ने सम्मेलनको अर्को आकर्षण भनेको महिला फोरम हो । नेपालमा महिलालाई उद्यम र नेतृत्व विकासमा कसरी सहयोग पु¥याउने भनेर छलफल हुने छ ।
सम्मेलनमा एनआरएनका संस्थापक अध्यक्षदेखि ,पूर्वअध्यक्ष, आइसिसी पदाधिकारीसमेतको सहभागिता रहेको छ ।
सम्मेलनमा तीन सयभन्दा बढीको सहभागिता रहेको छ । आगामी अधिवेशनबाट एनआरएनमा नयाँ कार्यकालका लागि नेतृत्व चयन हुने भएका कारण पनि आकांक्षिहरुले यो सम्मेलनलाई विशेष महत्त्व दिएका छन् । आगामी कार्यकालका लागि भवन भट्ट आफै दोहोरिने आशय सार्वजनिक गरिसकेका छन् । अघिल्लै कार्यकालमा अध्यक्षको दाबी गरेका कुमार पन्त सुरुबाटै नेतृत्वका लागि कसिएका छन् । अध्यक्षका अरू आकांक्षि उपाध्यक्ष कुल आचार्य, महासचिव डाक्टर बद्री केसी, सकिला राजभणरीले पनि यो सम्मेलनलाई आफ्नो प्रचार प्रसार गर्ने थलोको रूपमा प्रयोग गरिरहेका छन् ।
तस्बिर: सामाजिक सञ्जालबाट
प्रतिक्रिया लेख्नुहोस्:-