काठमाडौं । गृह मन्त्रालयले विहीबार एक विज्ञप्ति जारी गर्दै सुरक्षा निकायका पदाधिकारीलाई आफूखुसी राजनीतिक दलमा नेता र अन्य कुटनीतिक नियोगका पदाधिकारीसँग भेटघाट नगर्न निर्देशन दिएको छ ।
कर्तव्य पालनाको सिलसिलामा बाहेक पनि कुटनीतिक नियोग र राजनीतिक दलका कार्यालय वा नेतृत्वसँग भेटघाट गर्नुपर्ने भए प्रयोजन खुलाई स्वीकृति लिनुपर्ने पनि गृह मन्त्रालयले निकालेको विज्ञप्तिमा उल्लेख छ ।
मन्त्रालयका प्रवक्ता सहसचिव फणिन्द्रमणि पोखरेलले निकालेको विज्ञप्तिमा विभागीय स्वीकृति लिएर मात्र भेट्न आग्रह गरिएको छ । पूर्वस्वीकृतिबिना नै भेटघाट गरेको पाइए कानुनअनुसार कारबाही हुने पनि विज्ञप्तिमा उल्लेख छ ।
प्रतिक्रिया लेख्नुहोस्:-