धनगढी । बिश्व प्रसिद्ध दक्षिण अफ्रिकी क्रिकेटर जोन्टि रोड्स रुस्लान धनगढी प्रिमियर लिग तेश्रो संस्करणको सदभावना राजदुत नियुक्त भएका छन् ।
धनगढी क्रिकेट एकेडेमीका अध्यक्ष सुबाश शाहीद्वारा मंगलवार जार विज्ञप्तिमा रोड्स लिग आयोजना अवधिभर धनगढीमानै रहनेछन् र प्रतियोगिता दौरान बिभिन्न कार्यक्रमहरुमा आबद्ध हुने जनाइएकाे छ ।
दक्षिण अफ्रीकाको लागि ५२ टेस्ट तथा २४५ एकदिवसीय खेलेका ४९ वर्षीय रोड्स आफ्नो फिल्डिंगको कारण बिश्व प्रसिद्ध छन्।
सन् १९९२ को एकदिवसीय बिश्वकपको दौरान पाकिस्तान क्रिकेटर इन्जमाम उल हकको रन आउटको कारण प्रख्यात रोड्सलाई त्यति बेला एउटा पत्रिकाले “के योचरा हो ? के यो जहाज हो ? हैन, यो जोन्टि हो” लेखेको प्रसंग चर्चित मानिन्छ। हावामा उड्दै उनले गरेको रन आउट बिश्व क्रिकेटमा धेरै याद गरिने क्षण मध्येको एक हो।
रोड्स इन्डियन प्रिमियर लिग आईपीएल टिम मुम्बई इन्डियन्सको २०१७ सम्म लगातार ९ सिजन फिल्डिंग कोच रहेका थिए भने श्रीलंका,दक्षिण अफ्रीका, केन्या जस्ताटिमहरुको प्रशिक्षण गरिसकेका छन्।
विज्ञप्तीमा भनिएकाे छ, ‘प्रतियोगिताको गुडविल एम्बासडरको रुपमा जोन्टिको आगमनले अन्तर्राष्ट्रिय क्रिकेट परिषद ( आईसीसी ) र बिश्व क्रिकेट जगतको ध्यान प्रतियोगितामा तानिने विश्वासलिएका छौँ। उनको उपस्थितिले खेलाडी र खेल प्रेमीहरुलाई समेत उत्साह र प्रेरणा दिनेछ।’
अध्यक्ष शाहीले जोन्टिलाई रुस्लान् डिपीएलमा आबद्ध गराउन महत्वपूर्ण भूमिका खेल्ने ‘स्पोर्ट्स एड’ लाई विशेष धन्यवाद दिएका छन । शाहीकाे अनुसार प्रतियोगिता दौरान जोन्टि सीवाईसी अत्तरिया टिमको मेन्टरको रुपमा समेत रहने छन । यस्तै सीवाईसी अत्तरियाले रायन मरुनलाई टिमको प्रशिक्षकको रुपमा समेत नियुक्त गरेको छ। मरुन वेस्ट इन्डिज क्रिकेट टिमका पुर्व फिल्डिंग प्रशिक्षक रहीसकेका छन्।
प्रतिक्रिया लेख्नुहोस्:-