काठमाडौं । भारत सरकारले आगामी मंसिर ४ गते हुने निर्वाचनका लागि नेपाललाई उपहारस्वरूप दुई सय सवारीसाधन प्रदान गरेको छ ।
मंगलबार नेपालका लागि भारतीय राजदूत नवीन श्रीवास्तवलेआयोजित एक समारोहबीच नेपालका अर्थमन्त्री जनार्दन शर्मालाई भारत सरकारको तर्फबाट २०० वटा सवारीसाधन उपहारस्वरूप प्रदान गरेका हुन् ।
नेपाल सरकारको अनुरोधमा उपलब्ध गराइएका यी सवारीसाधन चुनावका दौरान प्रयोग गरिनेछ । जसमध्ये १२० वटा सुरक्षा निकायले र बाँकी ८० वटा निर्वाचन आयोगले प्रयोग गर्नेछन् । अर्थमन्त्री शर्माले यी सवारीसाधन लगायत विकास साझेदारीको रुपमा नेपाललाई निरन्तर सहयोग गरेकोमा भारत सरकार र भारतीय जनतालाई धन्यवाद दिए ।
प्रतिक्रिया लेख्नुहोस्:-