फ्रिमण्ट, क्यालिफोर्निया
डिसेम्वर २५
नेपाली भाषा कक्षा बे एरियाले नेपाली वालवालिकाको लागि क्रिसमसको अवसरमा उपहार तथा क्रिसमसको शुभकामना आदानप्रदान र स्यान्टासंग फोटो सेसनको कार्यक्रम सम्पन्न गरेको छ ।
भाषा कक्षाले गत शनिवार फ्रिमण्टको सेन्ट्रल पार्कमा एक भव्य कार्यक्रमकावीच नेपाली मूलका दर्जनौं वालवालिकाहरुलाई स्यान्टावाट उपहार प्रदान गराएको थियो । सो कार्यक्रममा विभिन्न कक्षाहरुमा अध्यापन गराउने शिक्षक शिक्षिका, अभिभावक तथा विद्यार्थीहरुविच क्रिसमस तथा आउदै गरेको नयाँ बर्षको शुभाकामना आदानप्रदान गरिएको थियो । कार्यक्रममा नेपाली भाषा सिकाउने शिक्षक शिक्षिका एवं स्वर्यसेवकहरुलाई पनि उपहार प्रदान गरिएको थियो ।कार्यक्रम सावित्री पन्तको संयोजनमा भएको भाषा कक्षाका पिन्सिपल डा शम्भु घिमिरेले बताए ।
झण्डै ८० भन्दा बढी वालवालिका र अभिभावक सहभागी भएका सो कार्यक्रम गत वर्षहरुको जस्तै निरन्तरता भएको भाषा कक्षाका पिन्सिपल डा शम्भु घिमिरेले बताए । “हामीले दशै तिहार भब्य रुपले मनाएजस्तै गरि अमेरिकाका चाडपर्वहरु पनि मनाउदा यसवाट वालकालिकाहरुले सास्कृतिक विविधताको बारेमा जान्ने मौका पाउछन्”- डा घिमिरेले भने।
डा. घिमिरेका अनुसार हरेक बर्ष अभिभावकहरुवाट एकजनालाई स्यान्टा बन्न अनुरोध गरिन्छ र ईच्छुक अभिभावक स्यान्टा बन्छन् । यस वर्षको स्यान्टा अभिभावक पुरुषोत्तम सिग्देल बनेका थिए । यसपालीको स्यान्टाले अर्काे बर्षको स्यान्टा नोमिनेट गरिसकेको भएपनि वालवालिकालाई भने नाम गोप्य राखिएको प्रिन्सिपल घिमिरेले बताए । उनले भने-“बच्चाहरुलाइ स्यान्टा आउंछ भन्ने थाहा छ, तर को स्यान्टा भन्ने थाहा हुदैन, यसले उनीहरुमा क्यूरिओसिटी जगाउछ र अर्काे वर्षसम्मलाई उत्साहित बनाउछ “। जुम कक्षामा पनि वालवालिकालाई स्यान्टासंग भेट गराइएको थियो । अर्का अभिभावक अनिल घिमिरे जुम कक्षामा स्यान्टा बनेका थिए । जुम कक्षा र कार्यक्रममा फरक फरक स्यान्टा भेट्दा बच्चाहरु अचम्मित भएका थिए ।
नेपाली भाषा कक्षाकी सचिव सुष्मा काफ्लेले यस वर्षको कार्यक्रम पहिला बर्षहरुकै निरन्तरताको रुपमा मनाइएको बताइन् । सबै वालवालिकाहरुले रमाइलो गर्दै स्यान्टावाट उपहार लिए उनले भनिन्- “यस्ता कार्यक्रमले वालमनोविज्ञानमा सकारात्मकता ल्याउछ” ।
भाषा कक्षाकी शिक्षिका करुणा सेढाइंले वालवालिकालाई गत वर्ष बच्चाहरुको घरघरमा गएर उपहारहरु दिएको स्मरण गर्दै यसपटक भने एकापसमा भेटभाट र उपहार एवं शुभकामना आदानप्रदानको लागि फिजिकल कार्यक्रम नै आयोजना गरिएको बताइन । “धेरै अभिभावक र विद्यार्थीहरुलाई पनि भेट्ने अवसर पाइयो, उनले भनिन, “नेपाली भाषा कक्षाले भाषा मात्र होइन, सस्कृति र संस्कारलाई पनि जोड्ने काम गरेको छ” । नेपाली भाषा कक्षाले नेपाल र अमेरिकाको सस्कृतिलाई जोड्ने काम गरेको उल्लेख गर्दै सेढाइं भन्छिन्-” हामी नेपाली वोल्न र लेख्न मात्र होइन, नेपाली सभ्यता र सस्कृति पनि सिकाउछौ “।
स्यानफ्रान्सिस्को बे एरियामा संचालित नेपाली भाषा कक्षावाट धेरै नेपाली वालकालिकाहरु लाभान्वित भएको अभिभावक एवं स्वयंसेवक किशोर जोशीले बताए । कार्यक्रममा सहभागी वालवालिकाहरु निकै उत्साहित देखिएका थिए ।
प्रतिक्रिया लेख्नुहोस्:-