काठमाडौं। नेकपा (एकीकृत समाजवादी) का अध्यक्ष तथा पूर्व प्रधानमन्त्री माधवकुमार नेपालले आफूले राष्ट्रपति पद पाउँदा पनि गठबन्धनलाई धोका नदिएको स्पष्टीकरण दिएका छन् ।
अध्यक्ष नेपालले शुक्रबार पार्टीनिकट भूपू सैनिक तथा प्रहरीको बैठकलाई सम्बोधन गर्दै सत्ता गठबन्धनमा आफ्नो पार्टी निर्णायक भूमिकामा रहेको दाबी गर्दै चाहेको भए राजनीतिक कोर्स परिवर्तन गर्न सक्ने बताए।
उनले भने, ‘‘हामीले चाहेको भए कोर्स चेन्ज गरेर राष्ट्रपति बन्नसक्थ्यौं। तर, एकीकृत समाजवादी र माधव नेपाल धोकेबाज होइन। कांग्रेस र माओवादीलाई पनि धोका दियो भन्ने हुन्थ्यो। राष्ट्रपति पाउनु कुनै ठूलो कुरा थिएन। मैले धोका दिने ढङ्गले अघि बढ्न चाहिनँ।’’
प्रतिक्रिया लेख्नुहोस्:-