न्यायपालिका सुधारोन्मुख भइरहेको प्रधानन्यायाधीश श्रेष्ठको दावी

काठमाडौं । प्रधानन्यायाधीश विश्वम्भरप्रसाद श्रेष्ठले न्यायपालिका क्रमशः सुधारोन्मुख हुँदै गइरहेको बताएका छन् ।

उनले आइतबार उच्च अदालत पाटनको नवनिर्मित भवनको उदघाटन गर्दै यस्तो बताएका हुन् । उनले सामूहिक प्रतिवद्धता, जिम्मेवारीप्रतिको समर्पण, लक्ष्यप्रतिको दृढ संकल्प र मेहनतले न्यायपालिकामा सुधारका स्पष्ट संकेतहरु समेत देखापर्न थालेको उल्लेख गर्दै त्यस कार्यमा संलग्न सबै पक्षप्रति आभार व्यक्त गरे । उनले २ वर्ष नाघेका मुद्दालाई बाँकी रहन नदिने लक्ष्यका साथ अदालतहरु क्रियाशील रहेको समेत बताए ।