क्रिकेटर लामिछानेविरुद्धको मुद्दा आज पनि हेर्दाहेर्दैमा

काठमाडौं । जिल्ला अदालत काठमाडौंले आज पनि क्रिकेटर सन्दीप लामिछानेविरुद्धको मुद्दा हेर्दाहेर्दैमा राखेको छ । अन्तिम सुनुवाइ जारी रहेकोले मुद्दा नसकिएको हो ।

न्यायाधीश शिशिरराज ढकालको इजलासमा जारी सुनुवाइमा आइतबार सुरुमा पीडिततर्फबाट सरकारी वकिलले बहस गरेका थिए।

आइतबार सहायक जिल्ला न्यायाधिवक्ता सुरबहादुर परियारले बहस गरेका थिए। आइतबार दिउँसो खाजा समयपछि पनि अर्का सरकारी वकिलले र एकजना कानुन व्यवसायीले पनि बहस गर्दा नसकिएपछि हेर्दा हेर्दैमा राखिएको हो। सरकारी वकिलले बहस सकेपछि पीडितका निजी कानुन व्यवसायीले पनि बहस गरेका थिए।