निर्मराज पौडेलको ‘छम्म नाचौं’, ‘छप्प नाचौं ‘सार्वजनिक

काठमाडौं,
जनवरी २३
विज्ञापन एजेन्सी संघका पूर्व अध्यक्ष एवं ‘एड गुरु’को नामले चिनिले लोकप्रिय गायक निर्मलाराज पौडेलको ‘छम्म नाचौं’, ‘छप्प नाचौं,’ गीत हालै सार्वजनिक गरिएको छ । कुनै जमानामा गायन क्षेत्रमा निकै चर्चामा रहेका पौडेलले १५ बर्षपछि बजारमा यो गीत ल्याएका हुन् ।
मोहित मुनालले संगीत दिएको सो गीतमा नेपालका एक दर्जनभन्दा बढी चर्चित कलाकारहरुले अभिनय गरेका छन् । पौडेलको गीतमा विजय लामा, निर्मल शर्मा, किरण केसी, धिरेन शाक्य, खुश्वु खड्का, रोहित कार्की लयागले अभिनया गरेका छन् ।
सो गीतको रिलिज समारोहमा सरोज खनाल, किरण केसी, रविन्द्र खड्का, राजाराम पौडेल, रमेश उप्रेती, तैयव शाह प्रिया लयागतका कलाकारहरुको उपस्थिती रहेको थियो । गायक पौडेलले आफ्नो गीतले पार्टी एवं समारोहमा नाच्नको लागि फरक खालको रौनक दिने बताएका छन् ।
केही समय अघि अमेरिका आएका बेला उनले आफ्नो अडियो ट्याक सार्वजनिक गरेका थिए । उनको गीत ओएसआर डिजिटल युट्यूव च्यानलवाट सार्वजनिक गरिएको छ । प्रारम्भिक चरणमा नै गीत निकै चर्चामा रहेको छ ।