छानबिन समितिको सिफारिस : बरहथवामा गोली चलाउने प्रहरीलाई सेवाबाट हटाउनू

काठमाडौं । गत पुस २० गते सर्लाहीको बरहथवामा गोली चलाउने वरिष्ठ हवल्दारलाई सेवाबाट हटाउन छानबिन गर्न गठित समितिले सिफारिस गरेको छ । समितिका संयोजक सहसचिव थानेश्वर गौतमले आइतबार उपप्रधान एवं गृहमन्त्री नारायणकाजी श्रेष्ठलाई प्रतिवेदन हस्तान्तरण गरेका हुन् ।

बरहथवामा प्रहरीले चलाएको गोली लागेर जयशंकर शाहको मृत्यु भएको थियो । समितिले गोली प्रहारमा संलग्न वरिष्ठ हवल्दार सोनेलाल यादवलाई सेवाबाट हटाउन सिफारिस गरेको छ ।