आफू विरुद्ध नकारात्मक समाचार बनाएको स्वास्थ्य राज्यमन्त्री कार्कीको गुनासो

काठमाडौं । स्वास्थ्य तथा जनसंख्या राज्यमन्त्री डा. तोसिमा कार्कीले सञ्चारमाध्यमले आफ्नो गलत समाचार बनाएको भन्दै गुनासो गरेकी छिन् ।

शुक्रबार स्वास्थ्य पत्रकार मञ्चले राज्यमन्त्री कार्कीलाई बधाई ज्ञापन गर्न मन्त्रालयमा आयोजना गरेको कार्यक्रममा सञ्चारकर्मीहरुले उठाएको प्रश्नको उत्तर दिँदै उनले यस्तो आशय व्यक्त गरेकी हुन्।

राज्यमन्त्री कार्कीले सिटी स्क्यान, एमआरआईका लागि आवश्यक सामग्रीका विषयमा आफूले कुरा उठाएपनि त्यसको समाचार नबनेको तर, रिबन काटेको समाचारलाई प्राथमिकता दिएको गुनासो गरिन्।
माघको पहिलो साता वीर अस्पतालले सुरु गरेको ल्याब सेवाको स्वास्थ्यमन्त्री र स्वास्थ्य राज्यमन्त्रीले संयुक्त उद्घाटन गरेका थिए।