काठमाडौं । माछापोखरी चोकमा प्रहरीको गाडी आगजनी गर्ने ६ जनालाई प्रहरीले पक्राउ गरेको छ । उनीहरुले सोमबार प्रहरीको दुईवटा भ्यान आगजनी गरेका थिए ।
यसरी पक्राउ पर्नेमा उदयपुर बलमता गाउँपालिका–२ घर भई हाल काठमाडौंको मनमैजु बस्ने ४० वर्षीय बिक्रम राई, नुवाकोटका घर भई हाल बानियाटार बस्ने ३० वर्षीय रामहरी भण्डारी, लमजुङ घर भई माछापोखरी बस्ने २३ वर्षिय विवेक श्रेष्ठ, काभ्रेपलान्चोकका ३१ वर्षिय राजेश तामाङ, २० वर्षीय आशिष खड्का र प्युठान घर भई गोंगबु बस्ने १८ वर्षिय दिपेन्द्र पुन मगर रहेका छन् ।
उनीहरुलाई विभिन्न सामाजिक सञ्जालहरूमा पोष्ट गरीएका भिडियोहरूको आधारमा हुलिया पहिचान गरी मंगलबार बालाजु माछापोखरीबाट पक्राउ गरिएको हो ।
प्रतिक्रिया लेख्नुहोस्:-