काठमाडौं । नेपालले एसिसी महिला प्रिमियर कप क्रिकेटको सेमिफाइनल खेलमा मलेसियासँग ४ विकेटले हार ब्यहोरेको छ।
मलेसियाको जितमा एल्सा हन्टरले सर्वाधिक ६९ रनको योगदान दिइन्। उनले ५३ बलमा ६ चौकासहित ६९ रनको अविजित इनिङ खेल्दै टोलीलाई जिताएकी हुन्। तेस्तै मास एलिसाले १३ रन जोडदा महिराह इजाती १६ र वान जुलिया ११ रनमा आउट भइन्।
नेपालका लागि सीता रानामगर र कविता जोशीले समान दुईरदुई विकेट लिए भने रुविना क्षेत्री र कविता कुँवरले समान एकरएक विकेट लिए।
त्यसअघि मलेसियाको बायोमास ओभल क्रिकेट मैदानमा टस जितेर पहिला ब्याटिङ रोजेको नेपालले निर्धारित २० ओभरमा ६ विकेट गुमाउँदै ११५ रनको योगफल बनाएको थियो।
नेपालकी कप्तान इन्दु बर्मा ३७ बलमा २ चौकासहित सर्वाधिक २९ रन बनाएकी थिइन्। डली भट्टले १४ बलमा १ चौका र २ छक्कासहित २५ रन बनाइन्। सीता रानामगरलाई ६ रनमा आउट भएकी थिइन्। कविता कुवरले ३१ बलमा २ चौकासहित २३ रन बनाइन् भने रुविना क्षेत्रीले १८ बलमा २ चौकासहित २० रन जोडीन्।
प्रतिक्रिया लेख्नुहोस्:-