काठमाडौं गोल्डेन्सलाईको चुनौति पन्छाउदै सिवाईसी अत्तरिया डीपीएलको फाईनलमा

धनगढी । सीवाइसी अत्तरिया तेस्रो संस्करणको रुस्लान धनगढी प्रिमियर लिग (डीपीएल) क्रिकेटको फाइनलमा प्रवेश गरेको छ । अत्तरियाले बुधबार धनगढी स्थति फाप्ला क्रिकेट मैदानमा काठमाडौं गोल्डेन्सलाई पहिलो क्वालिफायरमा ४१ रनले पराजित गर्दै पहिलो पटक फाईनल प्रवेश गरेको हो । शनिवार हुने फाईनलमा अत्तरियाले ईलिमेटरको विजेतमा र काठमाण्डौ गोल्डेन्ससँगको विजेतासँग उपाधिका लागि प्रतिस्पर्धा गर्नेछ ।

टस जितेर ब्याटिङ गरेको अत्तरियाले निर्धारित २० ओभरमा ८ विकेट गुमाउँदै ११० रन बनायो । अत्तरियाको तर्फबाट कप्तान दीपेन्द्रसिंह ऐरीले सर्वाधिक ३३ रन बनाए । सन्नी पटेलले २४ बलमा २८ रन बनाए । सवेन्दु पाण्डे १६, जयकिसन कोल्सावाला १३, जितेन्द्रसिंह ठकुरी ६ र सन्दीप जोरा ३ रनमा आउट भए । ऋत गौतम शुन्यमा आउट भए । कमलसिंह ऐरी र भुवन कार्की नट आउट रहे । कार्कीले १ बलमा १ रन जोडे । कमलसिंह ऐरीले १ बल पनि खेल्न पाएनन् । बलिङतर्फ काठमाडौंका अंकित दबास र सूर्य तामाङले २÷२ विकेट लिए भने रसिद खान र योगेन्द्रसिंह कार्कीले १÷१ विकेट लिए ।

१११ रनको लक्ष्य लिएर मैदान उत्र्रिएको काठमाडौं १८ दशमलव ३ ओभरमा ६९ रनमा अल आउटभयो । काठमाडौंबाट गौरव तोमारले २६ तथा कप्तान ज्ञानेन्द्र मल्ल र योगेन्द्रसिंह कार्कीले ११÷११ रन बनाउनु बाहेक अन्यले दोहोरो स्कोर बनाउन सकेनन् । अत्तरियाका सन्नी पटेलले ४ ओभरमा १ मेडन राख्दै १८ रन खर्चेर ३ विकेट लिए । यस्तै भुवन कार्की र कमलसिंह ऐरीले २÷२ तथा कप्तान दिपेन्द्रसिंह ऐरीले १ विकेट लिए । सन्नी पटेल खेलको म्यान अफ द म्याच भए ।

पारजित काठमाडौंले बिहीबार हुने रुपन्देही र महेन्द्रनगर युनाईटेड बीच हुने ईलिमिनेटरको विजेतासँग शुक्रबार दोस्रो क्वालिफायर्स खेल्नेछ । मंगलबार भएको लिग चरणको अन्तिम खेलमा अत्तरियाले काठमाडौंलाई ७ विकेटले हराउँदै प्रतियोगिताको शीर्ष स्थानमा रहको थियो भने काठमाडौं दोस्रो स्थानमा रहेको थियो ।