क्यालगरी, क्यानडा । गैर आवासीय नेपाली संघ एनआरएनए क्यानडाको आयोजनामा सामुदायीक सदृभाव, पारस्परीक सहयोग र स्वास्थ्यको लागि खेलकुद नाराका साथ खेल सप्ताह सम्पन्न भएको छ । क्यानडाको विभिन्न प्रान्तका प्रमुख शहर टोरन्टो, ओटावा, सास्काटुन, एडमन्टन, क्यालगरी र भ्यानकोभरमा खेलकुद सप्ताह भएको थियो । जसमा भलिबल, ब्याडमिन्टन्, फुटबल, क्यारेमबोर्ड लगायतका प्रतिस्पर्धा भए ।
सास्काटुनमा सम्पन्न भलिबल प्रतिस्पर्धामा नेप्लीज कम्युनिटी अफ सास्काटुन (नेकोस) समुह पहिलो भयो । विजेता समुहलाई एनआरएन क्यानडा, सास्काचेवन प्रान्तका पुर्व निर्वाचन संयोजक डा. कृष्ण चौधरीले टफी वितरण गरे । यसैगरी, ब्याडमिन्टनको गल्र्स सिंगल्स स्पर्धामा अपेक्षा ढकाल पहिलो भइन् भने शुरक्षा सापकोटले द्धितिय स्थान हातपारिन् । सास्काटुन खेलहुद सप्ताहको संयोजन एनआरएन क्यानडाका पुर्व उपाध्यक्ष तथा बोर्ड मेम्बर देवेन्द्र सुवेदीले गरेका थिए । पुरस्कारको प्रायोजन एनआरएन क्यानडाका उपाध्यक्ष माधव दुलाल र पुर्व बोर्ड मेम्बर तुला भट्ट्चनले गरेका थिए ।
यसैगरी, एडमन्टनमा सम्पन्न फुटबलमा सहआयोजकहिमालया रकी स्पोर्टस क्लब (एचआरएससी)को बी समुह विजेता भयो । बिले एचआरएससीकै ए समुहलाई २ का विरुद्ध चार गोलले हराएको थियो । एडमन्टनमै भएको युवा फुटबलमा गोर्खा वारियर्स एले समुह बीलाई हराई विजेता बन्यो । विजेतालाई नेप्लीज क्यानेडीयन सोसाएटी अफ एडमिन्टन (नेकासे)का अध्यक्ष लक्ष्मण अधिकारी तथा उपाध्यक्ष रामेश्वर अधिकारीले पुरस्कार दिए ।
यता, क्यालगरीमा भएको मैत्रिपुर्ण क्यारेमबोर्ड प्रतिस्पर्धामा फुर्वा तामाड विजेता भए भने धन गिरी दोस्रो । विजेतालाई कार्यक्रमका प्रायोजक मध्येका माधव दुलाल र नेप्लीज एन्टरप्रेनरर्स नेटवर्क अफ अलबर्टाका संयोजक नविन शुब्बाले पुरस्कार दिए । पुरस्कारको सह प्रायोजक ग्रिनचिल्ली रेस्टुरेन्ट रहेको थियो । उता, एनआरएन खेलसप्ताहमा भ्यानकोभरमा बुद्धिचाल प्रतियोगिता आयोजना गरियो ।
प्रतिक्रिया लेख्नुहोस्:-