काठमाडौं । नेपाली राष्ट्रिय फुटबल टिमका पूर्वप्रशिक्षक रहेका अब्दुल्लाह अल्मुताइरीले एनएसजेएफ पल्सर स्पोर्ट्स अवार्ड–२०७८ मा वर्षको उत्कृष्ट प्रशिक्षक बनेका छन् ।
मंगलबार एक कार्यक्रमका बीच उनलाई वर्षको उत्कृष्ट प्रशिक्षकको अवार्ड दिइएको हो । वर्षको उत्कृष्ट प्रशिक्षकको मनोनयन सूचीमा भलिबलका जगदीशप्रसाद भट्ट, बक्सिङका दीपक महर्जन, पारातेक्वान्दोका कविराज नेगी लामा र क्रिकेटका डेभ ह्वाटमोर थिए ।
पहिलो पटक नेपाललाई एसिया कप छनोटको तेस्रो चरणमा पुर्याएका अल्मुताइरी उनीहरूलाई उछिन्दै वर्षको उत्कृष्ट प्रशिक्षक बन्न सफल भएका हुन् । त्यस्तै उनकै प्रशिक्षणमा नेपाल पहिलो पटक साफ च्याम्पियनसिपको फाइनलमा समेत पुगेको थियो ।
प्रतिक्रिया लेख्नुहोस्:-