काठमाडौं । आज त्रिवि मैदानमा भएको क्रिकेटमा नेपालले संयुक्त अरब एमिरेन्ट्स (यूएई) लाई हराउँदै विश्वकप छनोटमा स्थान पक्का गरेको छ। खराब लाइटिङका कारण खेलको निर्णय डिएलमेथडबाट लिइँदा नतिजा ९ रनले नेपालको पक्षमा आएको हो।
घरेलु मैदानमा बिहिबार भएको लिग २ त्रिकोणात्मक सिरिजको अन्तिम खेलमा युएईलाई हराउँदै नेपाल तालिकाको शीर्ष ३ मा रहेर विश्वकप छनोटमा स्थान बनाएको हो। नेपालले पहिलो पटक ओडिआइ ग्लोबल क्वालिफायर खेल्न लागेको हो।
युएईले दिएको ३ सय ११ रनको लक्ष्य नेपालले ४४ ओभरमा ६ विकेट गुमाउँदा २६९ रन बनाउँदा डिएल मेथडको आधारका २ रनले जित निकालेको हो। गुलसनले ओडिआइमा पहिलो अर्धशतक प्रहार गरेका हुन्। गुलसनले ४८ बलमा ४ चौका र २ छक्का मद्दतमा अर्धशतक पूरा गरे।
नेपालको जितमा चार खेलाडीले अर्धशतक बनाए। ओपनर कुशल भुर्तेल ५० रनमा क्याच आउट भए। ३५ बलको सामना गरेका कुशल ३ चौका र ४ छक्का हान्दा क्याच आउट भए।
प्रतिक्रिया लेख्नुहोस्:-