काठमाडौं । पहाड र काठमाडौं उपत्यकामा विहीबार मनाइएको हाली पर्व आज तराईका जिल्लामा धुमधामसँग होली पर्व मनाइँदैछ। तराईका मानिसहरु एक आपसमा रङ र अबिर दलेर बिहानैदेखि उल्लासका साथ होली पर्व मनाइरहेका छन्।
तराईका जिल्लामा आज सरकारले बिदा दिएकाले पनि यो पर्व झन् उल्लासमय भएको छ । वसन्त ऋतुको आगमनसँगै फागुन महिनामा मनाइने यस पर्वमा एक आपसमा रङ र अबिर लगाउने चलन छ।
होलीको अवसरमा तराईका जिल्लामा जोगिरासमेत गाउने गरिन्छ। होली तराईको प्रमुख चाडवाडमध्ये एक हो । यस चाडमा कामका सिलसिलामा बाहिर रहेकाहरु आफ्नो घर आएर रमाइलो गर्ने गरिन्छ ।
जनकपुरधाममा भने भोलि होली मनाइने भएको छ। मिथिला क्षेत्रमा माध्यमिकी परिक्रमाको जनकपुरधाममा गरिने अन्तर्गृह परिक्रमा सम्पन्न गरेर त्यसको भोलिपल्ट होली मनाउने परम्परा रहेकाले त्यहाँ भोलि होली मनाउन लागिएको हो।
प्रतिक्रिया लेख्नुहोस्:-