निगमले तीन जहाज खरिद गर्ने

काठमाडौं । नेपाल वायुसेवा निगमले आन्तरिक उडानका लागि तीन वटा जहाज खरिद गर्ने भएको छ।

निगमका प्रवक्ता रमेश पौडेलका अनुसार दुर्गम क्षेत्र ‘स्टल रुट’ मा उडान भर्न सक्ने तीन साना जहाज खरिद गर्ने कार्ययोजना अघि बढाइएको छ।

निगमले आन्तरिक स्रोतबाट जहाज निर्माता कम्पनीसँग खरिद गर्न लागेको हो। निगमसँग आन्तरिक उडानका लागि हाल दुई थान ट्वीनअटर जहाज छन्। ती जहाजमार्फत विभिन्न पन्ध्र गन्तव्यमा साताको २५ उडान हुँदै आएको छ।