काठमाडौं । नेपाली कांग्रेसका नेता डा. शेखर कोइरालाले अब कांग्रेस सच्चिनुपर्नेमा जोड दिएका छन् ।
नेता कोइरालले मंगलबार विराटनगर विमानस्थलमा पत्रकारसँग कुरा गर्दै नयाँ पार्टीलाई भोट जानुमा युवाको चाहना देखिएको बताए।
उनले भने, ‘तीन स्थानको उपनिर्वाचनको नतिजा हेर्दा युवा समूहले पुराना पार्टीलाई भोट नदिएर नयाँ पार्टीमा आकर्षित भएको देखियो। युवाको चाहनाअनुसार अहिलेका पार्टीहरु नचलेको अवस्था छ। यस नतिजाले कांग्रेस सच्चिनु आवश्यक छ। युवालाई प्राथमिकतामा राखेर वडा, टोल हुँदै स्थानीय तहसम्म पार्टीलाई संगठित बनाउन आवश्यक छ।’
कांग्रेसले आफूलाई सच्याउन आवश्यक रहेको बताएका नेता कोइरालाले युवाको मनोविज्ञान बुझ्न नसक्दा अहिलेको परिणाम आएको बताए।
प्रतिक्रिया लेख्नुहोस्:-