काठमाडौं । राष्ट्रिय स्वतन्त्र पार्टीका सभापति रवि लामिछानेले सरकारलाई दिएको समर्थन फिर्ता लिन सक्ने बताएका छन् । उनले शुक्रबार सिंहदरबारमा सांसद पदको शपथ लिएपछि पत्रकारहरुको प्रश्नको जवाफ दिँदै यस्तो बताएका हुन् ।
आफ्नो दल अस्थिरताको पक्षमा नरहेको पनि उनले स्पष्ट पारे ।
उनले प्रधानमन्त्रीसँग कुरा भएको विषयबारेको जिज्ञासामा भने– ‘प्रधानमन्त्रीले बधाई दिनको लागि मात्र फोन गर्नुभएको हो । यस्तो सुनेको थिएँ के हो भनेर चासो सम्म राख्नुभएको थियो । सरकार सम्बन्धी त्यस्तो गम्भीर छलफल भएको हैन, उहाँले मलाई बधाई दिन फोन गर्नुभएको थियो ।’ उनले चुनावका बेलामा हेलिकप्टर लिएर गएर मन्त्री पद नै दिने जस्ता आश्वासन बाँडेका लगायतका विषयमा गम्भीर समीक्षा गर्नुपर्ने बताए ।
प्रतिक्रिया लेख्नुहोस्:-