काठमाडौं । धरानमा रहेको बिपी कोइराला स्वास्थ्य विज्ञान प्रतिष्ठानलाई बचाउन माग गर्दै हामी नेपाल संस्थाका सामाजिक अभियन्ताहरुले काठमाडौंको माइतीघर मण्डलामा विरोध प्रदर्शन गरेका छन् ।
झन्डै १ सय बढी प्रदर्शनकारीले प्लेकार्डमा अस्पतालमा भष्टाचार, अति भयो अत्याचार, कति गर्छौ घोटाला, ए वीपीका गोठाला, धेरै दुःख पायो, स्वच्छ प्रतिष्ठान चाहियो लगायतका नारा लेखेर प्रदर्शन गरेका छन् ।
बिपी स्वास्थ्य प्रतिष्ठानमा भइरहेको भ्रष्टाचार, बेथिति र विसङ्गति रोक्न माग गर्दै विगत १ महिनादेखि घोपा बचाउ अभियान अन्तर्गत विरोध प्रदर्शन हुँदै आएको छ । हामी नेपाल अभियानले जारी गरेको विज्ञप्तिमा भनिएको छ– ‘भ्रष्टाचार, बेथिति र विसङ्गति व्याप्त भएको भन्दै विभिन्न समयमा आवाज उठिरहेको र उच्च अधिकारीहरूको छानबिनले समेत पुष्टि गरिसकेको अवस्थामा पनि प्रतिष्ठानको सुधार अपेक्षाअनुसार नहुनाले अझ बढी दलदलमा फस्दै गएको महसुस हुन थालेको छ ।’
प्रतिक्रिया लेख्नुहोस्:-