काठमाडौं । नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले सहमति, सहकार्य नै आजको आवश्यकता भएको बताएका छन् ।
उनले आज पाँच दलीय गठबन्धनले काठमाडौंको शान्तिबाटिकामा आयोजना गरेको संयुक्त सभालाई सम्बोधन गर्दै यस्तो बताएका हुन् ।
‘सहमति, सहकार्य र एकता आजको आवश्यकता हो,’ अध्यक्ष प्रचण्डले भने, ‘एकताको बलमा पञ्चायत र राजा फाल्यौं र संविधान बनायौं ।’
उनले अहिले देशमा दुई वटा गठबन्धन रहेको बताए । नेकपा एमालेको नेतृत्वमा संविधान विरोध गठबन्धन र पाँच दलीय प्रगतिशितल गठबन्धन रहेको उनले जनाए । कुन गठबन्धन सही र गलत भन्ने स्थानीय निर्वाचनले निक्र्यौल गर्ने उनले बताए । उनले हिजो चितवनको भरतपुरमा आयोजना गरिएको चुनावी सभालाई सम्बोधन गर्दै उनले सत्तारुढ पाँच दलीय गठबन्धनकी साझा उम्मेदवार रेनु दाहालले निर्वाचन हारेमा त्यसको परिणाम राम्रो नहुने चेतावनी दिएका थिए ।
प्रतिक्रिया लेख्नुहोस्:-