आगामी बजेटमा सामाजिक सुरक्षा भत्तामा कटौती नहुने अर्थमन्त्री महतको प्रतिवद्धता

काठमाडौं। अर्थमन्त्री डा. प्रकाशशरण महतले यो आगामी वर्षको बजेटमा सामाजिक सुरक्षा भत्ता कटौती नहुने बताएका छन् । उनले मंगलबार राष्ट्रियसभामा बजेटका सिद्धान्त र प्राथमिकतामाथि उठेका प्रश्नहरूको मंगलबार जवाफ दिने क्रममा यस्तो बताएका हुन् ।

अर्थमन्त्री महततले भने, ‘सामाजिक सुरक्षाका विषयमा केही आशंका उठेका छन्, तर हामीले प्रतिबद्धता गरेका सामाजिक सुरक्षाका विषय कटौती हुँदैन।’

मन्त्री डा. महतले सरकारको सम्पूर्ण ध्यान मितव्ययितातर्फ केन्द्रित हुने र साधारण खर्च घटाउन केन्द्रित हुने पनि बताए । उनले भने, ‘सरकारको ध्यान अनावश्यक संरचना घटाउने, पुँजीगत खर्च प्रभावकारी बनाउनेतिर हुनेछ’