काठमाडौं । नेकपा (एमाले) बाट काठमाडौं महानगरपालिकाका मेयरका उमेदवार रहेका केशव स्थापितले माफी दिन आग्रह गरेका छन् ।
उनले मंगलबार भृकुटीमण्डपमा आयोजित चुनावी सभालाई सम्बोधन गर्दै माफी मागेका हुन् । सभामा उनले भने, “मेरो वाणीले कसैलाई अफ्ठ्यारो परेछ । माफ पाऊँ । मेयर हुने मान्छेले माफ माग्न सक्नुपर्छ । मेरो हाउभाउले केही दुस्ख भएछ । पीडा भएछ माफ पाऊँ । मेरो लेखनले केही दुःख भएछ भने माफ पाऊँ ।”
उनले आफू कठोर नभएर फूलजस्तो मान्छे भएको बताउँदै महिलाहरूलाई क्षमा दिन पनि आग्रह गरे ।
उनले केही महिलाहरूले आफूलाई आरोप लगाएको भन्दै क्षमा मागेका हुन् । आफूमाथि लागेको आरोपबारे जवाफ दिँदा उनको अभिव्यक्तिको विरोध भएको थियो ।
प्रतिक्रिया लेख्नुहोस्:-