काठमाडौं । सुदूरपश्चिम प्रदेशका नवनियुक्त मन्त्रीहरुले पद तथा गोपनीयताको शपथ लिएका छन् ।
उनीहरुले शनिबार प्रदेश प्रमुख देवराज जोशीबाट पद तथा गोपनियताको सपथ लिएका हुन् । आज सपथ लिने मन्त्रीहरुमा पृथ्वीबहादुर सिंह, झपट साउद र रमेश धामीलाई रहेका छन् । । त्यस्तै राज्यमन्त्री गीतादेवी माललाई पनि शपथ लिएकी छिन् ।
मुख्यमन्त्री शाहले शनिबार नेपाली कांग्रेस र नेकपा माओवादी केन्द्रका नेताहरुलाई सहभागी गराएर मन्त्रिपरिषद विस्तार गरेका थिए । नेपाली कांग्रेसबाट बझाङका पृथ्वीबहादुर सिंह मन्त्री बनेका छन् । उनले आन्तरिक मामिला तथा कानुन मन्त्रालयको जिम्मेवारी पाएका छन् ।
त्यस्तै माओवादी केन्द्रबाट मन्त्री बनेका झपट साउदले सामाजिक विकास मन्त्रालय र रमेश धामीले उद्योग, पर्यटन, वन तथा वातावरण मन्त्रालयको जिम्मेवारी पाएका छन् । गीतादेवी माल उद्योग, पर्यटन, वन तथा वातावरण राज्यमन्त्री बनेकी छन् ।
प्रतिक्रिया लेख्नुहोस्:-