काठमाडौं । काभा महिला भलिबल च्यालेन्ज कपमा नेपाल काजकिस्तानसँग ३–२ को सेटमा पराजित भएको छ ।
त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा सम्पन्न सेमिफाइनलमा पहिलो सेट गुमाएको नेपमलले त्यसपछिका दुई सेटमा लगातार जित निकाल्दै जित नजिक पुगेको थियो । तर, चौथो र पाँचौं सेटमा चुकेको नेपालले हार ब्यहोर्न बाध्य भयो ।
प्रतिस्पर्धात्मक पहिलो सेटमा एक समय बनाएको ४ अंकको अग्रता बचाउन नसक्दा नेपालले दबाब खेप्नु परेको थियो । नेपाल १७–१४ ले अघि रहँदा लागातार उज्वेकिस्तानले ४ अंक ल्याउँदै पुनरागमन गर्न सफल भयो । जसको मद्दतमा उज्वेकिस्तानले नेपाललाई २८–३० ले पराजित गर्न सफल भयो ।
प्रतिस्पर्धात्मक पहिलो सेटमा नेपालका लागि सबैभन्दा धेरै सरस्वती चौधरीले ६ अंक जोडिन् । सफिया पुन, निरूता ठगुन्ना र उषा भण्डारीले समान ३ अंक जोडे ।
दोस्रो सेटमा सुरूआतदेखि बनाएको अग्रतालाई कायम राख्दै २५–१६ को जित निकालेको नेपालले तेस्रो सेटमा पनि निरन्तर अग्रता लियो । र, २५–१५ ले तेस्रो सेट आफ्नो पक्षमा पार्यो ।
प्रतिक्रिया लेख्नुहोस्:-