अमेरिका, मे २८ । चपली हाइटकी नायिका विनिता बराल विवाह – वन्धनमा वाधिएकी छन । बरालद्वारा लिखित उपन्यास ‘जुइनो’को प्रमोसनका क्रममा ट्विटरमा भेटिएका तिलक पौडेलसँग उनको विवाह भएको हो।
स्याङ्जा घर भएका तिलक र विनिता बिच २०७३ भदौमा प्रेम सम्बन्ध स्थापित भएको थियो । त्यसबखत तिलक अमेरिकामा पीएचडी गर्दै थिए भने विनिता एमबीए पढ्दै थिइन्। अहिले विनिता अमेरिकामा जागिर गरिरहेकी छन् भने तिलकले भर्खरै फिजिक्समा पीएचडी गरेका छन्।
प्रेममा परेपछि विनिता एटलान्टा सहर छाडेर तिलकसँग ओहायो सहरमा बस्दै आएकी थिइन्। सो क्रममा उनीहरुले एकअर्कासँग खुलेरै प्रेम गरे। दुवैले सामाजिक संजालमा रोमान्स गरिरहेका तस्बिरसमेत सार्वजनिक गरे ।
उनीहरुले प्रेम सम्बन्ध गाँसेको २ वर्षपछि (२०७५ पुसमा) टिकाटालो गरेका थिए । तर, नेपाली मिडियामा उनको इन्गेजमेन्ट र बिहेबारे खासै चर्चा भएन। विनिताको सोमबार भर्जिना मन्दिरमा बिहे भएको हो। उनले हालसम्म बिहेको तस्बिर भने सार्वजनिक गरेकी छैनन्।
चितवनकी २९ वर्षीया विनिता पहिलो फिल्म ‘चपली हाइट’बाट नै चर्चामा आएकी हुन्। त्यसपछि भने सिने क्षेत्रमा खासै जम्न सकिनन्। उनले अभिनय गरेका चलचित्र फुलस्टप, सुपरहिट र उमंगले राम्रो व्यापार गर्न सकेनन् ।
फिल्म नचलेपछि विनिता केही समय आधुनिक कृषि पेसामा आवद्ध भएर काम गरिन र अध्ययनका लागि अमेरिका आएकी हुन् । अध्ययनकै क्रममा उनले उपन्यास ‘जुइनो’ प्रकाशन गरिन्।
तर, पुस्तकले सोचेजस्तो प्रतिक्रिया पाएन । कतीले उनलाई पुस्तक र फिल्म दुवैवाट सफल नभएपनि विहेवाट भने सफल हुने आशा गरिएको छ । यो जोडीलाई दाम्पत्य जीवनको शुभ कामना । गुड लक विनिता ।
प्रतिक्रिया लेख्नुहोस्:-