काठमाडौं । सर्वोच्च अदालतले नागरिकतासम्बन्धी विधेयक कार्यान्वयन नगर्न अल्पकालीन अन्तरिम आदेश दिएकोप्रति लोकतान्त्रिक समाजवादी पार्टीले आपत्ति जनाएको छ ।
सोमबार लोसपाका अध्यक्ष महन्थ ठाकुरले विज्ञप्ति जारी गर्दै अदालतले अन्यायमा परेका लाखौं नागरिकलाई न्यायदिन नसकेको भन्दै आपत्ति जनाएका हुन् । राष्ट्रपति पौडेलले बुधबार प्रमाणीकरण गरेको विधेयकविरुद्ध परेको रिटमा आइतबार सुनुवाइ गर्दै सर्वोच्चले तत्काल कार्यान्वयन नगर्न आदेश जारी गरेको हो ।
‘सम्मानित सर्वोच्च अदालतद्वारा यस विषयमा पटक–पटक आउने स्थगन आदेश नागरिकताविहीन नागरिकहरुप्रति संवेदनशील नरहेको र अन्यायमा परेका लाखौं नागरिकलाई न्याय दिन नसकेको निर्णयप्रति असहमत रही सोको पीडा बोध भएकोले यस किसिमको अन्याय विरुद्ध विरोध प्रकट गर्न हामी बाध्य भएका छौं,’ विज्ञप्तिमा भनिएको छ ।
प्रतिक्रिया लेख्नुहोस्:-