काठमाडौं । प्रतिनिधि सभाका सभामुख देवराज घिमिरेले सञ्चार क्षेत्रलाई कुण्ठित गर्न नहुने बताएका छन्।
शनिबार काठमाडौंमा संसदीय मामिला पत्रकार समाजको अधिवेशनलाई सम्बोधन गर्दै उनले सञ्चार क्षेत्रको महत्व धेरै रहेकाले यसलाई कुण्ठित गर्नेकुरा लोकतन्त्रमा स्वीकार्य नहुने बताए।
‘सञ्चार क्षेत्रको महत्व धेरै छ, सञ्चार क्षेत्रलाई कुण्ठित गर्ने कुरा लोकतन्त्रमा न सैद्धान्तिक रूपबाट न दार्शनिक, न व्यवहारिक, न अहिलेको हाम्रो अवस्थाको रूपबाट जरुरी छैन,’ उनले भने। तर यसमा भएका विकृतिहरूलाई नियन्त्रण गर्नुपर्ने बताए।
‘यसमा भएका विकृतिहरूलाई नियन्त्रण गर्ने काममा लाग्नुपर्छ, ठीक दिशा निर्देशन गर्ने, यसको महत्व बढाउने, समाजवाद निर्माण गर्ने बाटो देखाउने कुरा महत्वपूर्ण छ,’ उनले भने, ‘संसदका सभामुख, अध्यक्ष, उपसभामुख, उपाध्यक्षहरूको भूमिकालाई सही दिशा निर्देश गर्ने कुरामा यहाँहरूको भूमिका रहनेछ।’
प्रतिक्रिया लेख्नुहोस्:-