काठमाडौं । काठमाडौं महानगरपालिकाका मेयर बालेन शाहले यम बुद्धको शालिक आफ्नै तलबबाट बनाउने घोषणा गरेका छन् ।
महानगरपालिकाले आर्थिक वर्ष २०७९/ ८० को बजेटमा सालिक निर्माणको लागि बजेट विनियोजन गरेपछि विवाद सिर्जना भएको थियो ।
सामाजिक सञ्जाल र विभिन्न क्षेत्रबाट महानगरको उक्त कदमको विरोध हुन थालेपछि मेयर शाहले यस्तो घोषणा गरेका हुन् ।सामाजिक सञ्जालमा मेयर शाहले भनेका छन्, ‘म मेरो तलब बाट यम बुद्धको सालिक बनाउँछु। तपाईँहरूको दिन शुभ रहोस् ।’
आर्थिक वर्ष २०७९/८० को लागि कुल २५ अर्ब ४१ करोड ९६ लाख ९६ हजार रुपैयाँको बजेट अघि सारेको महानगरले यम बुद्धको शालिक निर्माणका लागि भनेर १५ लाख रुपैयाँ छुट्टाएको छ । गत असार १० गते पेश भएको उक्त बजेट तीन चरणको छलफल पश्चात् आज शुक्रवार सर्वसम्मत पास भएको हो ।
यम बुद्ध नेपाली र्याप क्षेत्रका अग्रज कलाकारका रूपमा चिनिन्छन् । उनले सन् २०१७ मा आत्महत्या गरेका थिए ।
प्रतिक्रिया लेख्नुहोस्:-