काठमाडौं । साताको कारोबार दोस्रो दि सोमबार नेप्से परिसूचक ५४ अंकले बढेको छ । ।
मौद्रिक नीति सार्वजनिक भएसँगै सेयर बजारमा हरियाली छाएको छ। अघिल्लो दिन आइतबार नेप्से सूचक ६१ अंकले बढेको थियो। मौद्रिक नीतिमा लगानीकर्ताहरूले उठाउँदै आएको मागलाई आंशिक भए पनि सम्बोधन गरिएको छ। अर्कोतर्फ नयाँ आर्थिक वर्ष सुरु भएसँगै कम्पनीहरूले साधारण सभा बोलाउने र बोनस सेयर घोषणा गर्ने वेला भएकाले पनि बजारमा सकारात्मक प्रभाव परेको लगानीकर्ताको बुझाइ छ।
सोमबार नेप्सेले दुई सय बिन्दुको परीक्षण गरेको छ। दुई हजार अंकको मनौवैज्ञानिक बिन्दु बनाइरहेको नेप्सले सो दिन २१ सयको मनोवैज्ञानिक परीक्षण गरेको हो।
नेप्से सूचक उच्च अंकले बढेसँगै कारोबार रकममा पनि वृद्धि भएको छ। लगानीकर्ताहरूले नाफा बुक राख्दा कारोबार रकम बढेको छ। छोटो समयमा पनि राम्रो आम्दानी देखेपछि लगानीकर्ताहरू यतिवेला नाफा बुक गर्न तम्सिएका हुन्। धितोपत्र र ऋणपत्र गरी कारोबारमा आएका दुई सय १४ कम्पनीका करिब एक करोड कित्ता सेयर खरिद बिक्री हुँदा चार अर्ब १० करोड रुपैयाँको सेयर कारोबार भएको छ।
प्रतिक्रिया लेख्नुहोस्:-