नेप्सेमा उच्च अंकको वृद्धि

काठमाडौं । यस हप्ता लगातार ओरालो लागेको शेयर बजार आज भने उच्च अंकले बृद्धि भएको छ । बुधबार सेयर बजार ४१.०६ अंकले बढेको छ। बजार २०६०.९१ विन्दुमा उक्लियो। यो २.०३ प्रतिशतको वृद्धिदर हो।

म्युचुअल फण्डका लगानीकर्ताले भने बुधबार धेरै गुमाए। कुल २६५ धितोपत्रको ७७ हजार ५०१ कारोबारबाट ५० लाख १० हजार ७१६ कित्ता सेयर किनबेच भएको छ। कुल १ अर्ब ८८ करोड ८३ लाख २६ हजार ४६९ रुपैयाँ बराबरको कारोबार बुधबार भएको छ। हिमालयन लघुवित्त, सुपर मादी हाइड्रो, मनकामना स्मार्ट, मनकामना हाइड्रोको सकारात्मक सर्किट लेवलमा कारोबार भएको छ।