गृह प्रशासनलाई व्यवस्थित बनाउन गृहमन्त्री श्रेष्ठको निर्देशन

काठमाडौं । गृहमन्त्री नारायणकाजी श्रेष्ठले गृह प्रशासनलाई व्यवस्थित, प्रभावकारी र परिणाममुखी बनाउन निर्देशन दिएका छन् ।

मन्त्री श्रेष्ठले सोमबार मन्त्रालयमा आज आयोजित वार्षिक समीक्षा कार्यक्रममा यस्तो निर्देशन दिएका हुन् ।

उपप्रधानमन्त्री श्रेष्ठले समृद्धि हासिल गर्न हिजोकै कार्यपद्धति, कार्यशैली, संस्कृति र गतिमा काम गरेर नहुनेमा जोड दिँदै उनले कार्यशैली परिवर्तन गर्नुपर्ने बताए। सुशासन, समृद्धि र सामाजिक न्यायलाई प्राथमिकतामा राखेर सरकार अगाडि बढेको उल्लेख गर्दै उनले समृद्धिका लागि सरकारले सुशासनलाई पूर्वसर्त बनाएको बताए। ‘समृद्धि पर्याप्त भएन, अब क्रमभङ्ग गर्नुपर्छ, गुणात्मक फड्को मार्नुपर्छ’, उनले भने । पछिल्लो समय निकै चर्चामा रहेका गृहमन्त्री श्रेष्ठले अनियमितता र भ्रष्टचारमा आफू झन् कडा रुपमा प्रस्तुत हुने बताएका थिए ।