नेप्सेमा सामान्य गिरावट

काठमाडौं । साताको दोस्रो कारोबार दिन आज सेयर बजार मापक नेप्से परिसूचक सामान्य अंकले घटेको छ । आज नेप्से ३.६१ अंकले घटेको हो ।

सोमबार कुल २७९ धितोपत्रको ५४ लाख १७ हजार ९२८ कित्ता सेयर दुई अर्ब ९ करोड १३ लाख ९० हजार ६३९ रुपैयाँमा किनबेच भएको छ ।

१३ वटा उपसमूहमध्ये पाँचवटा उपसमूहको समूहगत सूचक बढेको छ । आठवटा उपसमूहको समूहगत सूचक घटेको छ । उत्पादन तथा प्रशोधन उपसमूहको समूहगत सूचक सर्वाधिक ०.६५ प्रतिशतले बढेको छ । ट्रेडिङ उपसमूहको समूहगत सूचक १।४१ प्रतिशतले घटेको छ ।