काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले सामाजिक सद्भाव बिथोल्ने अभिव्यक्तिप्रति संवेदनशील हुनुपर्ने बताएका छन् ।
सभापति लामिछानेले शनिवार चितवनको भरतपुर विमानस्थलमा सञ्चारकर्मीसँग कुरा गर्दै यस्तो बताएका हुन् ।
उनले एक अर्काको धर्म संस्कारलाई आँच नआउने गरी दलका नेता तथा कार्यकर्ताले अभिव्यक्ति दिनुपर्ने उल्लेख गरे । उनले कुनै पनि विषयमा समाजलाई सौहार्दपूर्ण वातावरणमा अघि बढाउन वार्ता र संवादबाट समस्याको समाधान खोज्नुपर्ने जिकिर गरे ।
सभापति लामिछानेले संसदीय समितिमा प्रतिपक्षी दललाई लेखा समिति मात्रै दिन प्रचलन रहेपछि सही ढंगले समितिलाई चलाउनका लागि रास्वपाको भूमिकालाई स्थापित गर्न केहि समितिको सभापतिमा उम्मेदवारी दिने बताए ।
प्रतिक्रिया लेख्नुहोस्:-