स्थगित बीपी साहित्य महोत्सव असोज ३ गते हुने

काठमाडौं । संविधानसभाका अध्यक्ष सुवासचन्द्र नेम्वाङको निधन भएपछि स्थगित भएको बीपी साहित्य महोत्सव असोज ३ गते गर्ने भएको छ ।

महोत्सव भदौ २४ र २५ गते दुई दिन सञ्चालन भए पनि नेम्वाङको निधन भएपछि कांग्रेसले महोत्सव स्थगन गरेको थियो ।

आगामी कार्यक्रममा बिपीको समाजवादी परिकल्पनामा शिक्षा, समावेशिता, सामाजिक रूपान्तरण र बीपी, समय र सबाल्र्टन, बिपीका आख्यानमा नारी, परिवारले बुझेका बीपी, बिपीको विचार, आजको संविधान र अबको बाटोलगायत विभिन्न विषयगत विज्ञहरुबाट अन्तरक्रियात्मक प्रस्तुति रहनेछन् ।

कांग्रेसको सूचना तथा प्रचार प्रसार विभागका प्रमुख मीन विश्वकर्माले गत भदौ २४ र २५ को कार्यक्रममा जस्तै असोज ३ गते हुने ऐतिहासिक बीपी साहित्य महोत्सवको अन्तिम दिनको कार्यक्रममा सहभागिताका लागि सबैलाई अनुरोध गरेका छन् ।