काठमाडाै कार्तिक २८ । पिताम्वर तिम्सिना राष्ट्रिय खेलकुद परिषदको उपाध्यक्षमा पुन नियुक्त भएका छन् । परिषदका अध्यक्ष एवं युवा तथा खेलकुद मन्त्री जगतबहादुर बि.क. (सुनारले) तिम्सिनालाई बुधवार उपाध्यक्ष नियुक्त गरेका हुन । यस अधि मन्रीपरिषद्ले तिम्सिनालार्इ खेलकुद परिषद सदस्य मनाेनित गरेकाे थियाे ।
युवा तथा खेलकुद मन्त्रालयमा मन्री बि.क. ले उपाध्यक्षमा मनाेनित तिम्सिनालार्इ पद तथा गोपनियताको सपथ गराए । तिम्सिनालाई खेलकुद विकास ऐन २०४८को दफा ३ को उपदफा ३ बमोजिम मिति २०७५।०७।२८ गते देखि लागु हुने गरि सदस्य पदमा बहाल रहने अवधीभरका लागि उपाध्यक्षमा नियुक्त गरिएको युवा तथा खेलकुद मन्त्री एवं राखेप अध्यक्ष बि.क. द्वारा हस्ताक्षरित पत्रमा जनाईएको छ ।
उपाध्यक्ष तिम्सिनाले आजै राष्ट्रिय खेलकुद परिषदमा आफ्नो पद बहाली गरेका छन् । यस अघि २०६६ सालमा पनि तिम्सिना एक कार्यकाल परिषद्काे उपाध्यक्ष बनेका हुन । साे समय उनले दुर्इ सदस्य सचिव हरिबहादुर चाैधरी र युवराज लामा सँग काम गरे । हरिबहादुर चाैधरीकाे समयमा सदस्य सचिवलार्इ उनकै कार्यकक्षमा हातपात गरेकाे भन्दै उपाध्यक्ष तिम्सिना पक्राउ परेका थिए । इटहरी र धरान मध्ये कुन स्थानमा रंगशाला बनाउने भन्ने विवाद कुटाकुट सम्म पुगेका थियाे ।
बुधवार पद बहाली पछि तिम्सिनाले राष्ट्रिय खेलकुद परिषदमा देखिएको विकृती र विसंगतीलाई निर्मूल गर्न लागि पर्ने बताए । यस्तै राजेश गुरुङ्ग तथा ईन्दिरा निरौलालाई पनि युवा तथा खेलकुद मन्त्री बि.क.ले सदस्य पद तथा गोपनियताको सपथ गराए ।
नव नियुक्त सदस्य गुरुङ्गले पनि राखेपको सदस्यको अनुभव संगाली सकेका छन् । उनले राखेपको सदस्यका साथै सुटिङ्ग र बक्सिङ्ग संघको उपाध्यक्ष तथा नेपाल ब्याडमिन्टन संघको केन्द्रिय सदस्यको पदमा रहेर अनुभव संगाली सकेका छन् । यस्तै मोर्डन पेन्टाथलन र नेपाल भलिबल संघको केन्द्रिय सदस्य समेत रहेकी निरौलाको राखेप सदस्यमा पहिलो अनुभव हो ।
तस्वीर ः राखेप
प्रतिक्रिया लेख्नुहोस्:-