क्रिकेटका प्रभाकरको राजीनामा सदर

काठमाडौं । मनोज प्रभाकरले नेपाली टिमको मुख्य प्रशिक्षकबाट राजीनामा दिएका छन्। उनले अहिलेबाटै लागू हुनेगरी दिएको राजीनामा डिसेम्बर १५ बाट रहनेछ। क्यानले यो राजीनामा सदर गरेको छ,’ क्यानले सूचनामा लेखेको छ।

क्यानले मनोजको उज्ज्वल भविष्यको कामना पनि गरेको छ। मनोज प्रभाकर गएको साउन २३ गते नेपाली राष्ट्रिय क्रिकेट टिमको मुख्य प्रशिक्षकमा नियुक्त भएका थिए।

उनले चार महिनामात्र काम गर्ने अवसर पाएका छन्। उनले त्यस दौरान केन्या टुर, त्रिवि मैदानमा यूएई सिरिज र नामिबिया सिरिज खेलाएका थिए। दुई सिरिजमा उनले नेपाललाई सफलता दिलाए पनि लिग २ मा नेपालको कमजोर प्रदर्शन उस्तै रह्यो।