दूरवीन समाचारदाता
स्यानफ्रान्सिस्को । क्यालिफोर्निया
डिसेम्वर १७
नेपाली युवावर्गमा निकै चर्चित गायक सज्जनराज बैद्यले आगामी जनवरी १३ तारेख स्यानफ्रान्सिस्कोमा आफ्नो सांगीतिक प्रस्तुती दिने भएका छन् । बे एरियामा मनोरन्जनात्मक कार्यक्रम गर्दै आएको ‘माना-पाथी इन्टरटेनमेण्ट’ ले ‘घुमीफेरी युएस टुर स्यानफ्रान्सिस्को’को ब्यानरमा भेनेस एभेन्यूमा रहेको ‘ रिगेन्सी बल रुम’मा कार्यक्रमको आयोजना गर्न लागेको हो । सो सांगीतिक कार्यक्रम क्यालिफोर्नियाको हालसम्मकै बहुप्रतिक्षित कार्यक्रम हो ।
माना-पाथीका सदस्य सागर पौडेलका अनुसार युवावर्गमा निकै लोकप्रिय र कर्णप्रिय रहेका गायक बैद्य र उनको टीमले नयाँ बर्ष २०२४ को अवसरमा स्यानफ्रान्सिस्कोको भेनेस एभेन्यूमा रहेको रिजेन्सी बल रुपमा आफ्नो सांगीतिक प्रस्तुती दिनेछन् । स्यानफ्रान्सिस्कोको निकै प्रतिष्ठित मानिएको सो रेजेन्सी रुममा पहिलो पटक नेपाली नेपाली कलाकारको सांगीतिक कार्यक्रम हुन लागेको हो । यस रिगेन्सी बल रुममा अमेरिकाका अमेरिकाका प्रख्यात कलाकारहरुले प्रस्तुती दिने गरेका छन् ।
यस अघि नेपालका चर्चित गायक तथा कलाकारहरु राजु लामा ,सविन राई, अल्वट्रस लगायतलाई प्रस्तुत गरिसकेको मानापाथी इन्टरटेण्टमेण्टले बैद्यलाई पहिलोपटक क्यालिफोर्नियामा प्रस्तुत गर्न लागेको हो । बल रुमको सीट क्षमता १४ सय रहेको छ । आयोजकका अनुसार यो कार्यक्रम क्यालिफोर्नियाको हासम्मकै ठूलो सांगीतिक कार्यक्रम हुनेछ ।
‘उहाँका डाइहर्ट फ्यानहरु धेरै छन्, हामीले त संयोजनको काम गरिदिएको हो’, मानापाथी समुहरुका पौडेलले दूलवीनसंग भने- ‘उहाँको कार्यक्रमको लागि धेरै टाढा बाट आउने युवा समूहको ठूलो पंक्ति रहेको छ, कार्यक्रम निकै भब्य हुने आशा लिएका छौं’ ।
पौडेलका अनुसार गायक बैद्य र उनको समूहमा रहेका १३ सदस्यीय टोली जनवरी ११ तारेख स्यानफ्रान्सिस्को आइपुग्नेछ । गायक बैद्यको समूहसंग जनवरी ११ र १२ मा बे एरियामा रहेका आफ्ना फ्यान एवं प्रशंशकहरुसंग ‘मिट एण्ड ग्रीट’को कार्यक्रम तय गरिएको छ ।
https://maanapathi.com/
गायक बैद्यको यो शो बे एरियामा हालसम्म भएका कार्यक्रमहरुमध्येको निकै निकै प्रतिक्षित भएकाले टिकट बिक्रि निकै राम्रो भइरहेको बताइएको छ । टिकट माना-पाथी इन्टरटेण्टमेण्टको अफिसियल बेवसाइट र फिजिकल दुबैवाट खरिद गर्न सकिने आयोजक समूहले जनाएको छ । कार्यक्रमको टाइटल स्पोन्सर ‘रारा नेपाली रेष्टुरेण्ट’ले गरेको छ भने ‘लिटिल बुद्ध इम्पोइमेण्ट एजेन्सी’ एशोसिएट पार्टनर र ‘दुरवीन नेपाल ‘मिडिया पार्टनर रहेका छन् ।
बे एरियाको प्रतिनिधिमुलक संस्था न्यासका अध्यक्ष प्रितेश कार्कीले नेपाली युवापुस्ताका सांगीतिक धुककुकी मानिने सज्जनराज बैद्यको कार्यक्रम स्यानफ्रान्सिस्कोमा भएको सबैभन्दा बढी लगानीको भएकाले कार्यक्रमलाई सफल बनाउने सबै दायित्व भएको बताए । उनले भने- ‘यहाँका सम्पूर्ण क्रियाशील सामाजिक अभियन्ता साथीहरुलाई आयोजक मानापाथीले देखाएको साहसलाई भरपुर साथ दिई कार्यक्रम सफल बनाउन सहयोगको अपिल गर्दछु’ ।
गायक बैद्य गीतकार, गितारवादक, म्युजिक कम्पोजर र उत्पादक समेत हुन् । उनको च्यानल १२ लाख भन्दा बढीले सब्सक्राइव गरेका छन भने उनका गीत हालसम्म ४४ करोड भन्दा बढीले हेरेका छन् । बैद्यका ‘चिठ्ठीभित्र’.., ‘हत्तारिदै बतसिदै’.., ‘हवाइजहाज..’, ‘मुस्कान’.. लयायतका गीतहरु निकै लोकप्रिय रहेका छन् । ‘घुमीफिरी युएस टुर’ अन्तरगत गायक बैद्यको टोलीले डिसेम्वर २२ मा टेक्ससको ड्यालसमा, डिसेम्वर ३० मा न्यूयोर्क, जनवरी ६मा मेरिल्याण्डको सिल्भर स्प्रिंग, जनवरीमा १३ मा स्यानफ्रान्सिस्को र जनवरी २१ मा क्यानडाको टोरन्टोमा आफ्नो सांगीतिक प्रस्तुती दिनेछन् ।
प्रतिक्रिया लेख्नुहोस्:-