एनआरएन पदाधिकारी र विज्ञहरू सानफ्रानसिस्कोमा

अमेरिका/ १४ जुन
यही जुन १६ र १७ तारिख सानफ्रानसिन्सको हुने एनआरएन एनसीसीको विज्ञ भेला र एनआरएन अमेरिकाको साधारणसभामा भाग लिन युरोप, अस्ट्रेलिया, जापान र नेपालबाट विज्ञ र एनआरएन पदाधिकारीहरू आउनेक्रम सुरु भएको आयोजक समितिले जनाएको छ । अमेरिका र केनडाका विभिन्न राज्यबाट समेत विज्ञहरू, पत्रकार र सरोकारवाला सानफ्रानसिस्को आइरहेका छन् ।
एनआरएन आइसीसी पूर्व अध्यक्ष जीवा लामिछाने, उपाध्यक्ष कुमार पन्त, महासचिव वद्री के सी , पूर्व मन्त्री प्रकाशचन्द्र लोहनी सानफ्रानसिस्को आइपुगेका छन् । शुक्रवार साँझसम्म नेपाल सरकारका मन्त्री रविन्द्र अधिकारी र अधिकांश विज्ञहरू सानफ्रानसिस्को आइपुग्ने छन् । एनआरएन क्यालिफोर्निया र स्थानीय सङ्घ संस्थाका प्रतिनिधिहरू अतिथिको स्वागत र कार्यक्रमको तयारीमा जुटेका छन् । विज्ञ र अतिथिहरूको आगामन साथै कार्यक्रमको रूपरेखा बारे जानकारी दिन शुक्रवार पत्रकार सम्मेलनको आयोजना गरिने भएको छ ।