थपिए ३३५ कोरोना संक्रमित

काठमाडौं । पछिल्लो २४ घण्टामा देशभर थप ३३५ जनामा कोरोना संक्रमण पुष्टि भएको छ ।
दुई हजार ९९६ वटा स्वाब नमुनाको परीक्षण गरिएकामा ३३५ जनाको नतिजा पोजिटिभ आएको हो । एक हजार ८८ नमुनाको पीसीआर परीक्षण गर्दा २१६ र एक हजार ९०८ नमुनाको एन्टिजेन विधिबाट परीक्षण गर्दा ११९ जनामा संक्रमण देखिएको हो ।

पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन । हालसम्म नेपालमा कोरोनाका कारण ११ हजार ९५४ जनाको मृत्यु भएको छ । पछिल्लो २४ घण्टामा देशभर ८६ जना निको भएका छन् । योसँगै नेपालमा कोरोनामुक्त हुनेको संख्या नौ लाख ६८ हजार ३९४ पुगेको छ ।