सेतो बादलको
घेरा तोडेर
जलवायु परिवर्तनको
बहाना बनाई
जुनसुकै बेला पनि
धुम्म परिरहने
कष्ठ दिइरहने
अशुभको सङ्केत गर्ने
विरोधको सन्सनी फैलाउने
हल्लाखोरको महाजाल
कालो बादल !
जूनको चमक चुस्ने
सूर्यको तेज ढाक्ने
केवल गर्जन मात्र जानेको
अपनत्वलाई मानेको
आफ्नो अनूकुलतामा
बाटो मोड्ने
अत्याचार
अधर्म
र झुटलाई गोड्ने
सत्यभन्दा निकै परको
कपोलकल्पित मान्छेका
दैचिउरे आवाजजस्तै
मनोमानी आवाज फेर्ने
कालो बादल !
परापूर्वकालदेखि
हालसम्म पनि
निर्धक्क नाङ्गै
एक्लै
नाचेको देखिन्छ
कालो बादल !
आकाशमा मात्र होइन
धर्तीमा पनि लागेको छ
आकाशमा लाग्ने
कालो बादल !
र
धर्तीमा लाग्ने
कालो बादल !
निकै भिन्न भेटिन्छ
आकाशको बादलले
कम्तीमा पानी पार्छ
हदमा असिना झार्छ
धर्तीमा लाग्ने
बादलले त
ओहो !
उचाल्छ
पछार्छ
थेचार्छ
ङ्याक्छ
घिस्याउँछ
होच्याउँछ
बलबुताले भ्याएसम्म
उधुम मच्चाउँछ
यसले के ? के गर्छ भनेर
छुट्याउन सकिएला र ?
लोभका
पापका
इर्ष्याका
अहङ्कारका
बादलहरू
धरामा छरपष्ट छन्
यस्ता बादले
अन्दाधुन्ध
नरसंहार भित्र्याएउँछ
चिच्याहट जन्माउँछ
हरिया बस्तीहरू
उजाड पारिदिन्छ
गोली
बारूद फालिदिन्छ
स्वधर्म
परधर्म
नष्ट गर्छ
तामसी प्रवृति जन्माउँछ
अनि
छ्वास्स आगो सल्काई
खुब मडार्रिन्छ
मूढा जोतेर दन्काइ दिन्छ
कोमलतामाथि दारा किट्छ
हार्दिकतालाई बेचैनी पार्छ
अटेरी
अज्जर
कालो बादलले
पहिलो
र दोस्रो विश्व युध्द गरायोरु
फेरि
यसैले जन्मायो
विश्वव्यापी आतङ्कवाद
पटक पटक
ढाक्यो तारा
पटक पटक
मार्यो सारा
कतै जन्मायो
लादेन
हिट्लर
र
पुटिन
कतै माओवाद
खाओवाद
कतै जिन्दाबाद
कतै मुर्दाबात
कतै अत्याचार
कतै भ्रष्टाचार
र
बेविचार
यही नै हो
धर्तीमा लाग्ने
कालो बादल
यस्तो
कालो बादल
काला कर्तूत
अकर्मण्यताको अब
अन्त्य
हुनु पर्छ।।
गीता बजगाईॅ अधिकारी
प्रतिक्रिया लेख्नुहोस्:-